Бүгінгі маркетинг және көптеген жарнамалық акциялар Интернет көмегімен үлкен нәтижелерге жетуде. Сарапшылардың түрлі зерттеулерінде әлеуметтік маркетинг деген сөзді жиі естуге болады, себебі әлеуметтік медиа брендтерді бағалау мен тұтынудың деңгейін, тұтынушылар сұранысын нақты көрсетеді.

Интернетте брендті, компанияны немесе ресурсты жағымды жағынан көрсетіп, жаңалықтармен бөлісіп, тұтынушымен қалай байланыс орнатуға болады? Төменде әлеуметтік маркетинг арнайы стратегияларға ие болған жағдайда маркетингтік құралдардың түрлері мен оларды жүзеге асыру форматы көрсетілген.

Eric Qualman өзінің Socialnomics кітабында әлеуметтік желілерді негізге алып, оларды индустриялдық революция уақытынан кейінгі төңкеріс ретінде қарастырады. Сонымен, келешекте бізді не күтіп тұр?

Әрине, бәріне топырақ шашпаймын, бірақ кейбіреулеріміздің таңы «Мой мирмен» атады, ал күні «Facebook» сындылармен бататыны өтірік емес. Соңғысы (мүмкін, біріншісі де) маркетинг құралына айналғаны да осыдан шығар. Әлеуметтік желілердің арқасында/кесірінен өмірімізде түрлі қызықтар болып жатады, оның ішінде күлдіртетіні де, жылататыны да бар. Мысалы, осыдан бірнеше ай бұрын фитнестегі екі қыздың арасындағы әңгіме әлі есімде (әдейі тыңдағаным жоқ, дәл қасымда тұрып сөйлесіп тұрғасын... :)). Біреуі екіншісіне жігітінің «Вконтактедегі» парақшасына кіріп, басқа қыздың оған жазған неше түрлі хабарламаларын оқығаны туралы жылаааап тұрып айтқан сцена. Сүйіктісін қызғанды ғой деймін, әйтеуір аяп кеттім бишараны. Енді ол қарапайым тұрмыстық  жағдай, ал интернетті кезіп жүріп, одан да шытырман сюжеттерге куә болғандар бар.